Гъатхэпэм и 21-м ди еджап1эм щек1уэк1ащ«Анэдэлъхубзэм и мазэм»ехьэл1а 1уэхугъуэхэр:

1. Тхыдэмк1э урок-дамэдазэ

«Лъэпкъ зэмыл1эужьыгъуэхэм я щэнхабзэхэм я зэпыщ1эныгъэр - лъэпкъхэр зэбгъэдэшэным и гъуэгущ ».

1. Географиемк1э урок-дамэдазэ

«Къэбэрдей-Балъкъэрым щыпсэу псэущхьэхэр».

1. «Гупсысэ» къэхутак1уэ гупым я зэ1ущ1э.

2. Классщ1ыб лэжьыгъэ «Уи1эхук1э гъащ1э - Хэкум хуэпсэуф!»

Зи бзэр зыфIэмыIэфIрэ зыфIэмы­да­хэу мы дунейм зы лъэпкъи тету къы­щIэкIынкъым. Анэдэлъхубзэр лъэп­къым игущ, и псэщ, зэрылъэпкъыр зыгъэбелджылы нэщэнэщ. Псоми дощIэ дыгъуасэ къагъэщIа лъэпкъыбзэ зэрыщымыIэр. Апхуэдэщ ди адыгэбзэри. Абы и къежьапIэр апхуэдизкIэ куущ, жыжьэщи, абы теухуауэ къапщытари, къахутари чэнжщ.
Бзэр – псэм и мылъку гъэтIылъыпIэщ, лIэщIыгъуэ куэдкIэ цIыхум зэхуихьэсам и хъумапIэщ.

Зи анэдэлъхубзэм хуэшэрыуэ, абыкIэ зи гупсысэр нэгъэсауэ къэзыIуэтэф цIыхум и зэхэщIыкIыр нэхъ куущ, и акъылыр нэхъ жанщ, и дуней тетыкIэр нэхъ дахэщ. Апхуэдэхэращ анэдэлъхубзэм и къарумрэ и IэфIагъымрэ псэкIэ зыхэзыщIэфыр, къызыхэкIа лъэпкъым и деж пщIэи нэмыси щызыгъуэтыфыр.

Зэ1ущ1эм ди хьэщ1ащ министерствэм лъэпкъыбзэмк1э и къудамэм и унафэщ1, Къэбэрдей Адыгэ Хасэм и тхьэмадэм и къуэдзэ Табыщ Мурат, «Адыгэ псалъэ» газетым и корреспондент Щоджэн Аминат, Тэрч районым и щ1ып1э администрациям щ1эныгъэ 1уэхухэмк1э и управленэм и методистхэу Ирыгу Риммэрэ Лэжьэрей Фенярэ.